أعطيني 500 ريال .... أقلك زوجك مـتزوج عليكي ولا لأ !!!

السلام عليكم



تدور القصة حول مديرة مدرسة عزباء ( مهي متزوجة ) ....

غابت عن المدرسة يومين ولما عادت لمدرستها قابلوها المدرسات ..... سلامات ؟؟ فينك يا مديرة ؟؟

قالت لهن باركوا لي أتزوجت .. قالو مبروك يا مديرة .... ولكن مين زوجك ؟؟ قالت لهن بصراحة زوجي هو زوج وحدة منكم .....

المدرسات : باستغراب شديد .... بالله قوليلنا ايت وحده مننا

قالت المديرة : والله ما أقلكم

المهم أصرو عليها فقالت لهن : أنا محا أقلكم .

اللي تبغا تعرف هل هوا زوجها ولا لأ .... تجيب بكرة معاها خمسمية ريال .. وإذا جات توقع تحط الخمسمية على الطاولة واللي آخذ خمسميتها فهيا مهو زوجها واللي أخلي خمسميتها على الطاولة وما آخذها فهوا زوجها ...... عيب عليا أتزوج زوجها وآخذ كمان منها خمسمية ريال ..

وافقو المدرسات على الطريقة .... ويوم جا بكرة ...... وكل وحدة مجهزة معاها الفلوس .

جات الأولى والثانية والثالثة والرابعة حتى العاشرة والمديرة تاخذ الفلوس يوم جات المدرسة 11 وبدأت المديره تتأفف ...

المهم حطت الفلوس على الطاولة وقالت لها تكفا خذيها يا مديرة ... قالت المديرة اعذريني ....

قالت المدرسة : كأنها قليلة حطيت ألف بدال 500 قالت المديرة : أوووووووه معليش طلعت انتي جواهر والله إني آسفة غلطت .

تنفست المدرسة وقالت : الحمد لله يعني بتاخذين الفلوس ..... المهم أخذتها المديرة .....

ودخلو بقية المدرسات حتى الـ 23 والمديرة تلعب بأعصاب كل وحدة وفي النهاية تاخذ الـ 500 ......

المهم بقيت مدرسة وحدة فقط ما جات ..... أتصلو عليها المدرسات .... ها فينك يا أستاذة قالت والله إني تعبانة وماني جايا ... قالت المدرسة الغايبة : ها مين صار زوجها اللي متزوج المديرة ؟؟ ..... قالو ألين دحين ما بيًن شي ..... والمديرة بطلت تاخذ الفلوس ألين نحضر كل المدرسات ( يلعبو عليها بس يبغوها تجي عشان يتطمنون إنها هي لأنو ما بقي إلا هيا )

وقالو المدرسات لازم تجي .....

جات تسحب رجليها بالقوة .... ويوم جات تدخل ..... المدرسات كل وحدة مبسوطة إنها مهي هيا ويبغو يسمو على المدرسة الـ 24 عشان ما تنصدم
دخلت المدرسة الأخيرة غرفة المديرة وحطت باقي المدرسات أيديهن على قلوبهن وحطت المدرسة خمسمية على الطاولة وضفتها المديرة ...

ويوم طلعت لقنها عايدية وما صار شي وفلوسها أخذتها المديرة ....

قالو يا بنات فيه وحدة منكم ما أخذت المديرة فلوسها .....

قالو لا والله .... كلنا أخذت فلوسنا ....

ودخلو المدرسات على المديرو وقالو : أخذتي الفلوس من كل المدرسات .... تضحكي علينا .... مين زوجك ؟؟؟؟

قالت المديرة : المهم الدراهم (12000) ريال .... ما راح ترجع .... وأنا والله لا أتزوجت ولا شي ألين دحين عزوبية .... والله كنت مريضة هاليومين .... ولكني أطلبكن قبل شهر تدفعو على مية ريال نصلح المصلى ولا وحدة منكم دفعت .... قلت والله لا أدفعكم 500 ريال نصلح المصلى ونشتري مصاحف وقف للمصلى ,,,

قالو المدرسات : بردها الله بالعافية تفداكي الفلوس .... ولو تبغي زيادة نعطيكي .... هو صدق بس رجالنا ما أتزوجوا علينا .... ؟؟؟؟؟ !!!!!



منقوووووووول